ALBAQERAMIKA

ALBAQERAMIKA, e njohur fillimisht me emrin DEVAL është themeluar në qytetin e Pejës në vitin 1993 nga Sejfullah Deçani

1997
Në fillimet e saj veprimtari kryesore kompania kishte tregtinë me pllaka të qeramikës, ndërkohë që në vitin 1997 filloi edhe me prodhimin e vaskave dhe lavamanëve të polimermerit

2000
Në vitin 2000, kompania riorganizohet dhe merr emrin e ri, të cilin e mban edhe sot – ALBAQERAMIKA.

Duke pasur si frymëzim inovacionin në ofertën ndaj klientëve, ALBAQERAMIKA arriti të vendosë partneritet me disa nga prodhuesit më të njohur të produkteve të qeramikës nga Italia dhe Spanja. Kjo i ka mundësuar që t’i ofrojë klientit trendet më të reja botërore të produkteve të qeramikës dhe të krijojë një besim të palëkundshëm në tregun kosovar

2005
Në vitin 2005, me synimin që të shtrijë aktivitetin edhe në pjesë të tjera të Kosovës, ALBAQERAMIKA hapi sallonin e saj në kryeqytet

2013
Në vazhdën e këtij vizioni, në vitin 2013 hapi sallonin edhe në qytetin e Prizrenit, duke arritur tanimë të ofrojë produktet e saj në tri qendrat më të mëdha të Kosovës

2016
Sallonet e ALBAQERAMIKES dallohen për një elegancë të veçantë, ambient mikpritës dhe një gamë të gjerë produktesh për çdo konsumator. Në vitin 2016 u hap edhe objekti i ri në qytetin e Pejës, objekt ky që zëvendësojë të vjetrin, i cili ka shërbyer si bazë e suksesshme në fillimet e aktivitetit të kompanisë në këtë qytet.

Kompania sot udhëhiqet nga Valdet dhe Fisnik Deçani, qëllimi kryesor i të cilëve, të përkrahur nga një staf i përkushtuar është avancimi i mëtejmë i kompanisë duke pasur në qendër klientin dhe përmbushjen e kërkesave dhe pritjeve të tij